Билиг танхай Яруу найрагч
Ринченгийн Чойном

BIOGRAPHY OF MONGOLIAN FAMOUS PEOPLE

 

 

Уран бүтээлээс 
СYМТЭЙ БУДАРЫН ЧУЛУУ

 

Монгол гэж байсан ч орон
Байгаа ч орон байх ч орон
Байх байхдаа баргийн юм биш
Баатрууд билээ


 

 

     
   

 

 
Rinchen Choinom (1936-1978) 
 
 
 


Р.Чойном

Азийн Монгол, Залуу нас, Миний Монгол, Монгол гэдэг ийм орон байсан юм, Азийн Монгол, Буриад найраглал, Бяцхан сургаал,
 
 

1936 онд Хэнтий аймгийн Дархан сумын нутаг Бор ухаа гэдэг газар Чойномусурияа төрсөн
1978 (42 нас) онд 42 насандаа бурхан болсон
1991 онд 13 жилийн дараа Төрийн шагнал нэхэн олгосон

 

Азийн Монгол
Булганы арьс нөмөрсөн
Анчин малчин баатар эрс
Арчаад өнгөрсөн түүхтэй
Найман зууны түүхтэй
Суут Монголын баатар эрс
Нарийн ширэн гөлмөн дээр
Ган дөрөөг дөрөөлж
Намхан чийрэг мориныхоо
Хур дэл дээр бөхийж
Наран шингэх зүг рүү
Саран бугуйл шидэж
Намтар түүхтэй Парижийн
Алтан цамхагийг уургалаад
Нааш цааш нь ганхуулж үзсэн түүхтэй

Засгийн сүр гэдгээр дэлхийг ингэж айлгасан юм
Зарлиг тушаал хоёрыг Европ тэгэхэд ойлгосон юм
Залуу баатар Тэмүжингийн
Санасан санаа тэгэж
Замбуу тивийн элгэн дээр
Хүн чулууг үлдээсэн юм
Овтой манжийн хаад шиг
Охидоо худалдаж
Оросын ядуу хаан шиг
Нийслэлээ галдуулж
Тэртээ Америк шиг
Тэнэгээрээ турхирч
Тэсэртлээ баяжиж
Тэнэж үзээгүй
Утаан дунд ч морьтойгоо явж
Усан дунд ч хувцастайгаа сууж
Ууж идсэн ч сэтгэлтэйгээ байж
Унтах нойрондоо хуягтайгаа хэвтэж
Өөрийн эрхийг тэгэж бид
Өдтэй сумаараа харваж олсон юм
Өөрийн гүрнийг тэгэж бид
Өдөр шөнөгүй хамгаалж төвхнүүлсэн юм
Москваг шатаасан Напелоны
Мөнхийн алдрыг дуулж байна
Альпыг даваад Европ руу
Атаклаж явсан Суворовыг
Түүхийн хуудсанд
Алтан үсгээр бичиж байна
Тэгвэл яагаад бид
Тэмүжинг дуудах нь байтугай
Эцсийн эцэст сайн мөрийг нь ч
Энхрийлэн нэрлэж болохгүй болов оо
Дэлхий дахины түүхэнд ч
Төрийн нуруу босгосон
Дэглэм сайтай цэргийн
Төмөр хүрээг анх үүсгэсэн
Тэргүүн жанжин Чингисийн
Төрж өссөн нутаг
Тэмүүжин Хасар хоёрын
Тоглож өссөн газар
Дэлүүн болдогийг ороосон
Ононгийн гол ширгэхгүй
Дээдэс хаадаа хүндэлсэн
Монгол түмэн устаагүй
Удам сайт Монголынхоо
Алдар түүх хоёрыг
Ураг хойчийн хүүхдүүддээ
Монгол сэтгэлээр хүргэх гэж
Уушгиныхаа гурван судсыг
Тасартал дуулна
 

 
 
 

 

GO BACK TO WEBSITE

Batmunkh.Ts Mongol Internet Contact to daanjuur@yahoo.com