Ц.Пүрэвдорж зөвхөн дуурийн дуучин төдийгүй найруулагч, жүжигчний нарийн мэргэжилд авьяас чадвараа сорин “Алеко”, “Шивээ хиагт”, “Жаргал” зэрэг дуурийг найруулан тавьж “Алтан шонхор” киноны Будан мэргэний дүрийг дэлгэцнээ мөнхжүүлжээ.

Ц.Пүрэвдорж 1964 оноос Улсын дуурь бүжгийн театрын дэргэдэх дуулаачийн студи, УБДС, 1990 ноос Соёл урлагийн их сургуульд багшилж, урлагийн залгамж үеийг бэлтгэхэд авьяас билэг, эрдэм чадлаа зориулсан профессор багш байлаа.

Ц.Пүрэвдорж 20 гаруй оронд айлчлан тоглож, Дэлхийн залуучууд оюутны III, IV, V их наадамд оролцон Монголынхоо урлагийг сурталчилж, П.И.Чайковскийн нэрэмжит Олон улсын дуурийн дуулаачдын уралдааны шүүгчээр 1966-1986 онуудад ажилласан олон улсын тэмцээний байнгын хүндэт шүүгч байлаа.