Идэр жинчин

Алх холын замаар
Алхлан сажлан туулж
Аян жингийн хүндийг
Амар сайнаар нэвтрүүлэгч

Атан олон тэмээд минь
Арын говийг бүрхжээ

Шингэн лимбийн дуугаар
Миний нутгийг санагдуулж
Ширээ тэгшхэн бөхөөрөө
Жингийн хүндийг өргөгч

Шилдэг олон ат минь
Шилийн говийг бүрхжээ

Идэр жинчин бид
Эрэмгий чадлаа гаргаж
Ингээд аяны замаар
Эрх тааваараа туулаад

Энэ орны ардыг
Эд бараагаар хангацгаая
1936 он

Timeline
1910 онд Амгаланбаатар хотноо кино зохиолч, найруулагч Т.Нацагдорж (Бага Нацагаа) мэндэлжээ.
1910 онд Оросын анхны дүрст кино гарчээ. 1878 онд анхны хөдөлгөонт дүрсийг авч, 1888 онд дэлхийн анхны кино гарч, 1896 онд Орос орон кинотой танилцав.
1914 онд 2-р сард Халхын сайн ноён хан Монгол улсын анхны ерөнхий сайд, Төгс-Очирын Намнансүрэн Хаант Орос улсаас тусламж гуйхаар явж ирэхдээ Богд хаанд үзүүлэхээр Монголд анхны кино авчирчээ.
1921 онд 9 сард Залуучуудын байгууллагаас олон түмэнд кино үзүүлэх ажил зохиож буй тухай Уриа сонинд гарчээ.
1922 онд Нийслэл хүрээнд багш нарыг бэлтгэх түр курсийг байгуулж, 1922 онд 8 хүн, 1923 онд 17 хүн төгсөв. 1924 онд оюутны сургууль нэртэй болж 1928 онд Багшийн сургууль болов.
1923 онд Цахилгаан сүүдэр буюу киног дэмжихээр Ардын Намын 2-р их хурлын тогтоолд заажээ.
1925 онд Цахилгаан сүүдэр ший үзүүлэх газруудыг байгуулахаар заажээ. 
1928 онд Багшийн сургууль болов.
1934 онд анхны кино театр Ард нээгдэв

1935 ond 7 sard T.Natsagdorjiin Shine Mongol, Huuchin mongol shulguud hevlegdjee. Undesnii soyolyn zam 25, (1935) N-5, 8-r tal

1935 онд Шинэ монгол, хуучин монгол, 14 жилийн өмнө, 14 жилийн хойно шүлгүүд бий.

1935 онд 3-сард Уран сайхны улс төрийн зөвлөлөөс (дарга М.Ядамсурэн) эрхлэн Дөрвөн цагийн эргэлт хүмүүний аж төрөл хийгээд хөгшин залуугийн явдал сэдвээр шүлгийн уралдаан зарлажээ. 27 хун оролцсоны дотроос хоёрдугаарт Буяннэмэх Цаг үе ба амидралга), их Нацагдорж (Дөрвөн цаг) , бага Т.Нацагдорж (Эргэх дөрвөн улирал) нарын шүлгүүд, гуравдугаарт Н.Наваан-Юндэн, Дүгэржав, Санжид нарын зохиол, 4-рт Цэвэгмид, Цэрэн-Очир, Чимид, Бүтэд нарын бүтээл оржээ. Ардын үндэсний эрх 25 (1935) Н26, 44
 

1935 онд 11 сарын 15-нд Ардыг эрүүлийг хамгаалах яамнаас 10 жилийн ойд зориулан эрүүл мэндийн сэдэвт шүлгүүдийг нэгэн дэвтэр (65 шүлэг) болгон хэвлэжээ. Их зохиолч Д.Нацагдорж, бага Т.Нацагдорж нар хамтран бичжээ.

1935 онд 10 сарын 11-нд Ардын Сайд нарын Зөвлөлийн 32 дугаар хурлаар Үндэсний кино үйлдвэрийн газар үүсэн байгуулагдав

1936 онд (26) Ардын хувьсгалын 15 жилийн ойгоор дэлгэцнээ амилсан 7 сарын 17-нд  Монголын анхны уран сайхны Монгол хүү анхны киног Оросын мэргэжилтэн, найруулагч, операторууд бүтээж киног Ленфильм киностудид үйлдвэрлэсэн байна. Энэ киноны зохиолыг Л.Славин, Б.Лапин, З.Л.Хацревин нар бичиж, И.З.Трауберг найруулж, кино оператор М.Каплан зургийг авч, киноны дүрүүдэд Ч.Цэвээн, Сосор, Гомбо, Н.Цэгмид, Д.Бат-Очир, Д.Ичинхорлоо нар тогложээ.
Монгол хүү кино зохиолыг 1934 онд эхэлж, 1935 оны 8 сарын 2-нд гэрээ хийж монголын талаас 1 найруулагчийн туслах Т.Нацагдорж, туслах оператороор Б.Дэмбэрэл, 7 жүжигчин Ч.Цэвээн, Д.Ичинхорлоо, Л.Бат-Очир, Н.Цэгмэд Равдан, Сосорбурам нар тоглосон гэж Н.Цэгмид дурсчээ.

1936 оны хоёрдугаар сарын 3-ны өдөр Ардын Сайд нарын Зөвлөлийн Ерөнхий сайдаас гаргасан тушаалаар Улаанбаатар хотын захиргааны байрыг СнЗ-ийн тогтоол ёсоор Үндэсний кино үйлдвэрийн газар шилжүүлсэн.

1936 онд (26) Анхны гавьят уран зохиолч цолыг Сономбалжирын Буяннэмэх, Ширнэнгийн Аюуш, Мөрдэндэвийн Ядамсүрэн хүртсэн.
Төмөрийн Нацагдорж гэхэд л анхны кино найруулагч, 1936 оны долдугаар сарын 25-нд Уран сайхны улс төрийн зөвлөлийн гишүүдийн хурлаас Ардын уран зохиолч цолоор шагнуулсан анхны дөрвөн зохиолчийн нэг (С.Батчулуунаас ишлэв)

1936 онд Ерөнхий сайд П.Гэндэнг ЗХУ яхахад бараа болж, хүргэж өгсөн сүүлийн хүн болжээ.
 

А.С.Пушкин (1799-1837)

Мяндас тансаг үнэртэн
Навчсаар бузрыг халхалсан
Мянга найман зуун гучин долоон он
Тэрхүү аймшигт цагт
Харанхуйн дотор гагцхүү
Гэрэлт одон тодорч
Хаан эзэн Николайн
Цоожтой орныг гийгүүллээ

Хаад ноёд ихэс дээдэс
Нэгэн сүрэг хамтарч
Халуурсан биеийн цангааг
Цусны өнгөт архиар тайтгаруулж
Өндөр яруу цэцэрлэгийн
Намиргааны дор мэлмэрч
Өнгөт бүсгүй амтат жимсийн
Хүчинд автан мансуурч байлаа

Тэр цагт Александр Сергеевич
Гучин найман нас хурч
Тэдгээр улангассан сэтгэлтнийг
Оюуны илдээр хатгаж
Түмэн зөв гүн утгын урлалаар
Мянган бурууг сэнхрүүлж
Төөрсөн мунхаг дээдсийг
Төрийг жолоодоход бэрх болгов

Нэгэн мянга найман зуун гучин онд
Баруун газрын тэнэмэл Дантес
Николайн орноо үзэгдэж
Ихэсийн зэргээр шадарлаад
Оросын уйтгарт орны чимэг
Александр Сергеевич Пушкиний
Оюуны заслал амраг гэргийн
Ариун биед халдав

Хоёр сарын найман
Цас шуурга хормой хот сыг шавж
Хортны сүргээс хороох болов уу гэж
Түмний зүрх гижигдсэн өдөр
Буурал хоосон талын дунд
Пушкин ганцаар, Дантэс ижлээр
Бууны аманд хүний эрдэнэ
Хүний дайсан хоёр тулгаран зогсов


Нэгэн хурууны хөдлөх төдий
Бялт цохигдон товч үсэрч
Нимгэн зөөлөн цасан хөрсөнд
Шунхын өнгө тунаран
Хуурамч сумын чанар илрэн
Хорслын зангилаа хоцорч
Харсан сонссон хүн бүхний
Сэтгэл харлан өнчрөв

Тэр өдрөөс хойш
Энэ өдөр хүртэл зуун жил боллоо
Тэрслууд ноёд замхран
Орос орон чөлөөт орон боллоо
Тэнэг мунхгийн сүрэг
Харанхуй хэвээр балран арилав
Александр Сергеевич Пушкиний
Эрдэнийн сан мөнхжив

1937 онд бичсэн Бага Нацагаа буюу Төмөрийн Нацагдорж

1937 онд Багшийн сургуулийн багш, зохиолч Д.Сэнгээгийн (1916-1959) багш, зохиолч Төмөрийн Нацагдорж кино үйлдвэрт найруулагчаар томилогдож тус сургуулиас Дэжидийн Жигжид (1919-1989) нарын 8 хүүхдийг сонгон авчрахад Дэжидийн Жигжид Зөвлөлтийн мэргэжилтэн, оператор А.Лебедевийн дагалдан болжээ

1938 онд (28) Монголын анхны уран сайхны 3 бүлэгтэй богино хэмжээний Норжмаагийн зам киног Монголын уран бүтээлчид Оросын уран бүтээлчидтэй хамтран бүтээж, уг киноны зохиолч, найруулагчаар Л.Шефер, shavi Т.Нацагдорж нар, operator А.А.Лебедев, С.Дэмбэрэл, Б.Дэмбэрэл нар зураглаачаар тус тус ажиллажээ. Гол дүр Норжмаад Нацагийн Лэгжмаа, Цэрэндуламд Намтайширийн Ханд, Ламд Пунцаг, эмгэнд Гүнсэн нар тогложээ.
 
1938 онд Норжмаагийн зам кино зохиолыг бичиж найруулсан Т.Нацагдорж, Д.Шеффер
1939 онд Д.Намдагийн зохиол Сүрэг чоно киног найруулсан
1940 онд Анхдугаар хичээл кино зохиолыг бичсэн
1940 онд Баатар Гонгорын тэмцлийг харуулсан Ганцаар найраглалаа бичсэн.

1941 онд Амьдралын дайсан кино зохиолыг найруулсан
1942 онд Хил дээр гарсан хэрэг киног Т.Настагдорж зохиож найруулагчаар М.Лувсанжамц, М.Болд, зураглаачаар Б.Дэмбэрэл, зураачаар Л.Гаваа,
1942 онд Сүхбаатар киног найруулсан

16 жилин хооронд (1941-1957) Зүүнхараагийн хорих лагерт хорих ангид ялтан болж,

Түүнийг Зүүнхараагийн шоронд Гётегийн “Фауст”-ыг орчуулж байхад хожмын Төрийн шагналт зохиолч С.Дашдооров бага ангийн багшаар очиж байлаа.

1957 оны дурсамж (С.Дашдооровын бичиж үлдээснээс, Eldev uchiral nomoos)
1936 онд Ерөнхий сайд П.Гэндэнг ЗХУ яхахад бараа болж, хүргэж өгсөн сүүлийн хүн болжээ. Тэнд Ленинградад МОнгол хүү киноны зураг авч эхнэр Сосор зураг авахуулж байсанд далимд очиж уулзжээ. Түүнд тэр уеуд Төв тетрын дарга, найруулагч байсан жаал Гомбожав гэж хүн Гэндэнг гуайг даган явахыг санал болгосон. Тэр жил их Нацагдоржтой хамт Эрүүлийг хамгаалахын сайд Өлзийбатын санал болгосоноор Эрүүлийг хамгаалахын арван дөрвөн жилийн ойд хэмээх жижиг ном хамтран бүтээжээ. 1935 онд Шинэ монгол, хуучин монгол, 14 жилийн өмнө, 14 жилийн хойно шүлгүүд бий.Хэдэн жилийн дараа Ташкентад Сүхбаатар кино найруулж байхад Гэндэн гуай Башкирт буй сурагтай байсан.
 

1957 оны дурсамж Зүүнхараа.
Биднийг шоронд байхад Ч.ОЙдов гэж авяст зохиолч гарч буй яриа гараад Долоодой хүү жүжгийг олж аваад шоронд найруулан тоглов. Бүсгүй хүний дүрд Наваан_Юэндэн тоглосон юм даг. Намдаг найрууллаа. Мангасын өргөо гардаг юм. Хоридолууд хэдэн хомхой толгой олоод ирж. Намдаг маань үүгээр өргөөг чимнэ гээд. Засангийн хоригдолууд шоронд жүжиг найруулсан нь зарайм нь театрын жүжигчдээс илүү боллоо гэх яриа гарч удалгүй хаачисан юм.

1957 оны дурсамж Зүүнхараа.
их Нацагдоржийн зураг.
1935-1936 оны уеэ санагдана. Нацагаа бид хоёрын шүлгийг Үндэсний соёлын зам сэтгүүлд нийтлэх боллоо. Зураг авахаар болсон юм. Эхлээд би зургаа авахуулсан санагдана. Бүрх малгайгаа жишүүхэн тавиад өвөрт явсан гаансаа гарган сандлын аравч тохиолдон зургаа татууллаа. Нацаг маань чиний байдал их аятай байна. Би чам шиг татууля гээд миний дээлийг өмсөн зураг татуулж тэр сэтгүүлд гарсан юм. Тэгж энэ зураг түүхэнд орсон юм. Одоо намайг хүнд яривал их зохиолчтой зиндаархлаа гэж зарим ни хэл улаа билүүдэх болбуу гэж бодох.

Т.Нацагдорж
Редактор С.Дашдооров
Зургийг Ж.Дашдондог
Улсын хэвлэлийн газар УБ 1959 он Үнэ 0.90 мөнгө
Хэвлэлтэнд 1958 оны 4-р сарын 23-ны өдөр
 

1958 онд Гурван найз киног Т.Нацагдорж,, Мишигийн Цэдэндорж, С.Дашдооровын хамт бичсэн
Эрдэнэ хайрханы эзэн хэн бэ кино зохиолыг хамтран бичсэн

1964 оны дурсамжаас (С.Дашдооров гуайн бичин үлдээсэн.)
Энэ Сүхбаатар киноны уран бүтээлчдийн нэрсийн дунд миний нэр байх учиртай. Зарим кинонд миний нэрийг кино халиснаас хуссан бололтой байдаг. Уг нь би Монгол кино фабрикийн нэрийн өмнөөс найруулагчаар, Э.Оюун миний туслах орчуулагчаар орсон юм. Дайн эхлээд байсан цаг. Ташкентад Сүхбаатар кино зургаа дуусгаад эргэж ирлээ. Гэнэт ээжтэйгээ уулзмаар болоод уулзаад гэртээ иртэл намайг баривчилсан юм.. Урьд нь Норжмаагийн зам, Анхдугаар хичээл, Гонгор баатар, зэрэг богино кино, Эдүгээгийн Монгол баримтат кино хийсэн минь ёстой л анхны хичээл төдий байжээ. Тэр өдөр ээжтэйгээ уулзан гарынх ни хоолыг идсэн сүүлийн өдөр байсан юм. Шоронд гол нь намайг Германы тагнуул гэж хэлүүлэх. 10 жилийн ялаар шийтгүүлэв.
16 жилин хооронд (1941-1957) Зүүнхараагийн хорих лагерт хорих ангид ялтан болж, Спирт заводын пийшэнд галчаасм хожим дарга хүртэл хийлээ. 1949-1957 онд сүүлийн 8 жил ажил сайн хийлээ гэж одон медал ч авав. 1960 онд (50нас) цагаатгасан бичиг авч чөлөотэй боллоо одоо юм хийе гэтэл сайхан залуу нас арилаад өнгөрсөн байлаа. Арилах арилахдаа аймшиг, гамшиг хосолсон замс гээгдээд үлдсэн байлаа.
Дурсамжаас:
Монголын зохиолчдын анхны үнэмлэх бид хоёрт л бий
Мөнгөний Чимэд, Пүрэвийн Хорлоо

М.Ч: Би С.Буяннэмэхийн дугуйланд явдаг байсан. Монголын зохиолчдын холбооноос Буяннэмэхийн гарын үсэгтэй 15 тоот үнэмлэхийг Хорлоо, 37 дахийг нь би авсан.
П.Х: Тэр цэнхэр үнэмлэх одоо бид хоёрт байгаа байх.
М.Ч: Өөр байхүвй ээ, байсан хэд нь баригдчихсан. Бидний үеийн багш нар алт шиг хүмввс байж. Жүрмэд багшийг санаж байна уу.
П.Х: Саналгүй яах вэ. Гавьяат багш болсон шүү дээ.
М.Ч: Намайг Үлгэр жишээ бага сургуулийн сурагч байхад багшилдаг байсан юм. Жүрмэд багш их сонин хүн байж...Би тэр үед нь зохиолч гэж юу хийдгийг ч мэдэхгвй.
Багшийн сургуульд манай сургуульд Германд боловсрол эзэмшсэн залуу багш нар олон байж. Доржсүрэн, Төмөрийн Нацагдорж...
П.Х: Доржсүрэн багш герман хэлтэй, бидэнд тоо заадаг, өөрөө уран зохиол бичнэ. Дэлхийн байдлын багш герман Нацагдорж гэдэг чинь “Гурван найз” гэж кино зохиолыг бичсэн. Нацагдорж багшийг “бага” гэдэг байв. Энэ багш нар сургуулийн утга зохиолын бүлгэмийг удирдана. Дашдоржийн Нацагдорж, Наваан-Юндэн нар тэдэнтэй их найз. Бас Мөрдэндэвийн Ядамсврэн, Ши.Аюуш, Донровын Намдаг, Өлзий-Очир гээд утга зохиолын томчууд цугладаг байж.
Н.Сарангэрэл http://www.mongolnews.mn/unuudur.php?n=6016

П.Хорлоо, Уран үгийн замаар дурдатгалаас
Үнэн, 1995-06-09 №18403
Багшийн сургуульд байхад бас сайхан зүйл миний амьдралд тохиолдсоныгоо тэр үеийн тэмдэглэлийн дэвтрээсээ ишилж бичье. Тэр үед манай багш нарын дотор уран зохиол бичдэг Баярын Доржсүрэн, Төмөрийн Нацагдорж зэрэг багш нар байв. Тэд сургууль дээрээ уран зохиолын бүлгэм байгуулж хичээллэдэг...Бид "Бөмбөгөр ногоон"-д цуглаж уран үгийн хичээп хийхдээ "Таван минутын шүлэг" бичдэг байлаа. 1934 оны хаврын нэг өдөр Т.Нацагдорж, М.Чимэд, Л.Цэрэн-Очир, Лувсанжамц бид цугяаж "Муур хулгана" гэдэг нэг нэрээр таван минутын шүлэг 6^"-гэн юм

Үнэн түүхийг нь мэддэг болов уу тэд, Буурал түүхийн гэрч оройгүй байшин,С.Батчулуун
Монгол Улсын 1935 оны аравдугаар сарын 11-нд Ардын Сайд нарын Зөвлөлийн 32 дугаар хурлаар үндэсний кино үйлдвэрийн газрыг үүс­гэн байгуулжээ... Монголын кино үйлдвэр энэ байшин ъЦогт тайжъ киноны зургийг авч улсын ъСүлд дууъ-г тэнд зохиож байсан түүхийн дурсгалтай байшин.
Кино үйлдвэрийн байшинд хотын захиргааны дээрх хүмүүсээс гадна манай урлагийн яндашгүй ундарга болсон зохиолч найруулагч Төмөрийн Нацагдорж, анхны зураглаач Ванпиловын Бадам, Монгол Улсын Төрийн шагналт, академич, Хэл бичгийн ухааны доктор, профессор Бямбын Ринчин, Ардын жү­жиг­чин, Төрийн шаг­налт зу­раг­лаач, найруулагч Дэжи­дийн Жигжид, Урлагийн гавьяат зүтгэлтэн найруулагч Минжүүрийн Болд, Цэвээний Зандраа, Наваандугарын Гом­босүрэн, Сандуйн Эрдэ­нэ, зураглаач Балдангийн Дэмбэрэл, Ойдовын Уртна­сан, Гэнэнгийн Цэрэн, Монгол Улсын Хөдөлмөрийн баатар, Ардын зураач, Төрийн шаг­налт Ням-Осорын Цүлтэм, Лувсаншаравын Намхайцэ­рэн, Монгол Улсын Ардын зураач Төрийн шагналт Лув­сангийн Гаваа, үржингийн Ядамсүрэн, Урлагийн гавьяат зүтгэлтэн, Төрийн шагналт зураач Додийн Чойдог, хөгж­мийн зохиолч Эрэгзэнгийн Чойдог, Монгол Улсын Хөдөл­мөрийн баатар, Ардын жүжиг­чин, Төрийн шагналт Лувсан­жамцын Цогзолмаа, Дагвын Лувсаншарав, Жамьянгийн Чулуун, Гомбожавын Гомбо­сү­рэн, Монгол Улсын Ардын жүжигчин Нямын Цэгмид, Дамбын Дамдинсүрэн, Даш­зэг­вийн Ичинхорлоо, Монгол Улсын Ардын жүжигчин Чимэ­дийн Долгорсүрэн, Монгол Улсын Ардын жүжигчин, Тө­рийн хошой шагналт хөгжмийн зохиолч удирдаач Билэгийн Дамдинсүрэн, Лувсанжамбын Мөрдорж, Монгол Улсын Ардын жүжигчин, Төрийн шаг­налт Цагааны Цэгмид, Эрдэнэбатын Оюун, Цэг­мидийн Намсрайжав, Самбын Гончигсумлаа, Монгол Улсын Ардын жүчигчин Доржийн Цэрэндулам, Дэндэвийн Чимэд-Осор, Сангижавын Гэндэн, Зундуйн Цэндээхүү, Монгол Улсын Урлагийн Гавьяат Зүтгэлтэн анхны уран барималч эмэгтэй Дам­дины Дамдимаа, барималч Д.Гүрдорж, Монгол Улсын Гавьяат жүжигчин Чимэдийн Цэвээн, Ёндонгийн Шаравдоо, Аюурын Цэрэндэндэв, Буу­чийн Жигмэддорж, Өлзий­батын Рэнцэнноров, Мятавын Бадамгарав, Данзангийн Бат-Очир, Ерөөлтийн Гомбодорж, Лувсанбалдангийн Лувсан, Билэгийн Мижиддорж нарын олон арван нэрт зүтгэлтэн энэ байшинд уран бүтээлээ туурвиж байжээ.
Үүний зэрэгцээ дэлхийн кино урлагт нэрээ мөнхлөн үлдээсэн ЗХУ-ын Хөдөлмө­рийн баатар, Ардын жүжигчин найруулагч И.Е.Хейфиц, А.Г.Зархи, Оросын Урлагийн гавьяат зүтгэлтэн найруулагч Ю.В.Тарич /жинхэнэ нэр нь Алексеев/, ЗХУ-ын Ардын жүжигчин Л.Н.Свердлин хүртэл хөлөө тавьж ажилласан гэж бодохоор яавч оройгүй байлгаж болмооргүй санагдаад байх юм.

Энэ байшинд ажиллаж байсан Төмөрийн Нацагдорж гэхэд л анхны кино найруулагч, 1936 оны долдугаар сарын 25-нд Уран сайхны улс төрийн зөвлөлийн гишүүдийн хурлаас Ардын уран зохиолч цолоор шагнуулсан анхны дөрвөн зохиолчийн нэг, Ерөн­хий сайд П.Гэндэнг 1936 онд ЗХУ-д явуулахад хэлмэрчээр нь цуг явсан, өөрөө хэлмэгдэж 10 жил хоригдсон, Зүүнхараагийн спиртийн заводын галчаас эхлэн мастер, технологич, даргыг нь хүртэл хийж явсан, нэгдүгээр зэргийн спиртээс дээд зэргийн спирт ялган авч Нийслэл архийг санаачлан тэр үедээ нэг сая гаруй төгрөгийн ашиг оруулсан түүх гарна.

Ванпиловын Бадам Монголын киноны анхны зураглаач, Шинжлэх ухааны хүрээлэнд гэрэл зургийн зааварлагч бөгөөд цаг агаарын шинжилгээний багаж хэрэгс­лийн дархан/засварчин С.Б/, Сангийн яаманд механик, Намын төв хороо, Хувьсга­лын музейд гэрэл зурагчин, түүнээс өмнө Богд хааны жолоочоор ажиллаж байсан тухайн үедээ техникийн өн­дөр мэдлэг бүхий мэргэжил­тэн байсан бөгөөд 1937 оны хэлмэгдүүлэлтийн хар шуурганд өртөж 51 насандаа цаазлагдсан байна. Тэгэхээр энэ байшин өөрийн түүхээс гадна өрөөлийн түүхийг шингээсэн хойч үедээ өвлүүлэх их юмтай ажээ...
http://www.dailynews.mn/modules.php?name=News&file=comments&pid=&sid=20407&op=Reply